🌸मकरसंक्रांतीच्या हार्दिक शुभेच्छा 🌸

 मकरसंक्रांत माहिती मराठी 

     भारतीय संस्कृतीत  मकरसंक्रांत या सणाला विशेष महत्त्व आहे. पौराणिक कथेनुसार मकरसंक्रांत या दिवशी भगवान विष्णूंनी प्रूथ्वीवरील असुरांचा विनाश केला  व असुरांवर भगवान विष्णूंनी विजय मिळविला आणि हा विजय मिळाल्याने  मकरसंक्रांत हा सण साजरा केला  जातो. मकरसंक्रांतीत  उत्तरायण सुरू होते. उत्तरायण हा शुभकाळ मानला जातो.

        मकरसंक्रांत हा सण कुठे कुठे , कोणत्या नावाने ओळखला जातो ?

     हा सण महाराष्ट्रात 'मकरसंक्रांत' म्हणून साजरा करतात. तसेच आसाम, गुजरात व  राजस्थानमध्ये 'उत्तरायण' म्हणून तर तामिळनाडू मध्ये 'पोंगल' आणि बिहार व  कर्नाटकात 'संक्रांती' म्हणून साजरा केला जातो. पंजाबमध्ये व जम्मू काश्मीर मध्ये 'लोहडी' म्हणून साजरा केला जातो.

    संक्रांतीचा सण खरा तीन दिवसांचा असतो. भोगी, संक्रांत आणि किंक्रांत. 

     भोगी :

     मकरसंक्रांतीच्या एक दिवस अगोदर येणाऱ्या दिवसाला ' भोगी' असे म्हणतात. या दिवशी देवाला सर्व भाज्यांची एकत्रित केलेली भोगीची भाजी, तिळाची बाजरीची भाकरी असा नैवेद्य दाखविला जातो.  तान्ह्या बाळाचे बोरन्हाण केले जाते. 

     मकरसंक्रांत : 

    मकरसंक्रांतीत सूर्य मकर राशीत प्रवेश  करतो. त्यालाच उत्तरायण असेही म्हणतात. थंडीचे दिवस असल्याने तिळगुळाला प्राधान्य दिले जाते. सर्वजण आपापसांतील मतभेद विसरून 'तिळगुळ घ्या, गोड गोड बोला'  असा संदेश देतात.

      तसेच शहर व गावी या दिवशी अनेक मुले, मोठी माणसे घराच्या गच्चीवर किंवा मैदानात दिवसभर पतंग उडवण्याचा मनमुराद आनंद घेतात.    

     किंक्रांत :      

 

     मकरसंक्रांतीच्या दुसऱ्या दिवसाला ' किंक्रांत' म्हणतात. या दिवशी माता आदिशक्ती देवीने 'किंकासुर' नावाच्या राक्षसाचा वध केला, म्हणून या दिवसाला 'किंक्रांत' असे म्हटले जाते. कोणत्याही शुभ कार्याची सुरुवात या दिवशी केली जात नाही. असा हा मकरसंक्रांत सण सर्वांनाच आवडतो. 

         ब्लाॅग आवडल्यास  कमेंट 

करा आणि मला फॉलो (Follow) करा. 

                           🙏 धन्यवाद 🙏